Fáilte ón bPríomhoide / Principal's Welcome

A Chairde,

Beidh sé de phribhléid againn anseo i Scoil Néasáin aithne a chur ar bhur bpáistí ar feadh ocht mbliana agus tabhairt faoi oideachas iomlán a chur ar fáil dóibh trí mheán na Gaeilge ag aithint difríochtaí aonair agus riachtanais uathúla gach páiste.

Aithnímid anseo gur sibhse, na tuismitheoirí, bunoideachasóirí bhur bpáistí. Tá sonas gach páiste sa scoil rí-thábhachtach do mhúinteoirí agus thuismitheoirí araon agus tá comhoibriú riachtanach d'fhonn an sonas úd a chinntiú. Fáiltím roimh bhur dtuairimí agus roimh bhur dtacaíocht agus sinn ag dréim le timpeallacht thaitneamhach shlán shona foghlama a chruthú do phobal na scoile.

Is í mana na scoile 'Dóchas sa Dúchas' a chuireann muinín i bpréamhacha cultúrtha na tíre agus a aithníonn an mórthionchar atá ag dúchas na tíre ar fhorbhairt dhearfach na tíre agus a muintire. Tríd an obair seo ar scoil leanfaidh an dóchas sin ar aghaidh.

Fáiltím roimh an suíomh seo. Is áis an-mhaith agus úsáideach í do thuismitheoirí uile na scoile. Tá súil agam go mbeidh cuimhní cinn maithe agaibh agus ag na páistí ar na laethanta a chaithfidh siad linn i Scoil Neasáin.

Deirble Nic Conghamhna

Príomhoide

Feabh 21
2022
Briseadh Meán Tearma 2
Már 17
2022
Lá le Pádraig
Már 18
2022
Scoil Dúnta
Aib 10
2022
Saoire na Cásca
07-Ean-2022
Tá an aimsir fuar agus tá na fuinneoga agus doirse na scoile ar oscailt, cinntigh go bhfuil éadaí oiriúnacha ar do pháiste agus iad ag teacht ar scoil chomh maith le héadaí báistí cuí mar gur gá na seomraí a aerú go rialta.
05-Ean-2022
Athbhliain faoi mhaise. Tá súil againn gur bhain gach duine taitneamh as an mbriseadh agus gur éirigh libh fanacht slán. Beimid ag oscailt amárach agus tá seans go mbeidh an chéad cúpla seachtain os ár gcomhair dúshlánach go maith. Ba mhaith linn air
21-Noll-2021
Imeachtaí na Nollaig ar scoil agus teachtaireacht do pháistí na scoile ó Daidí na Nollaig
Baile Hearman, Baile Átha Cliath 5, D05VF95.
01 831 6338
Déan Teagmháil Linn
Suíomh / Location
© 2022 Scoil Neasáin